احنا مع مين...؟؟؟؟

الســـــــــــلام عليــــــكم.....وبعــــد
حبيت اسأل الاخوان الذين في الغربه مثل حالتي الان وعلى نهاية رمضان ودخول العيـــــد احنا مع مين؟؟
يعني راح تعيدون مع اي توقيت اذا كان مثلا السعوديه غدا الاثنين يوم العيد وانا في بلد عيدهم يكون الثلاثاء او الاربعاء وش الحل اعيد مع الاهل الاثنين ولا اكمل واصوم الي 32 يوم واعيد معاهم الصراحه محتار وانتو مع ميـــــــن .............!!! دمتم

ســــؤال حيرني جدا جدا

مساكم الله بالخير.................وكل عام وانتم بخير وبعد .......
الصراحه انا مالي يوم من بدايتي في المشاركه في المدونات يعني باقي طازج................... المهم.. ..
مالكم في الطويله ابدخل في السالفه وهي سؤال اتمنى اجد من يجيب عليه....من نظرتي السريعه على المدونات خلال هالاسبوع وبالاخص السعوديه لفت نظري شي غريب جدا جدا الا وهو ان كثير من الكتاب والمدونين يكتبون بالغه الانجليزيه الصراحه مو عارف ليه هم يعملون كذا اقصد المدونين او الكتاب هل السبب ان ثقافتهم انجليزيه(امريكيه ولا بريطانيه)اوانهم يرون في الكتابه بالعربي فيه شي من التخلف وقله ثقافه مادري الصراحه عن الاسباب بس الي اعرفه ان اغلب شعوب العالم تعتز بلغتها جدا وبالاخص الشعب الالماني يحدثني صديق ذهب الي هناك يقول اول ما بدات معاهم بالكلام كنت اتكلم الانجليزيه وبطلاقه بس كان يلاحظ انهم يردون عليه بالالماني والاخ ماله في الالماني حاول معاهم بس في الاخير اكتشف انهم يفهمون الانجليزيه بس يعتزون بلغته اكثر حتى لو اللي قدامه مايفهمها!!!! شوف الي اي درجه يحافظون على ثقافتهم وعرقهم وغيررهم كثير بس للاسف نحن بدأنا نفقد الهويه بالتدرج الي ان وصلت اننا نكنب بالانجليزيه لبعضا !!!!!!!!!!!!!!!!! يمكن يقول احد الاخوان انه لانه في قراء مايقراون الا بالانجليزي ؟؟ اقوله شوف الردود وتعرف ان كل اللي يقرأون هنا عرب ولا سعوديين !!!! بس ممكن هناك عذر لمن هم خارج الاوطان انه مايكتب بالعربي بس غيرهم لا اعتقد له العذر ما دام يكتب لنا ......... اتمنى ان الرساله وصلت

شاكر لكم

كــــــ عام وانتم بخير ــــــــــل

مســـاكم الله با لخير وتقبل الله منكم ومنا

الصراحه جمعتكم هذي شكلها بتفك ازمه بالنسبه لي في ها الغربه شوي وانسى العربي الا ماندر من الاتصال بالاهل والاصحاب على العموم ما اطول هذي اول مشاركه وانشاء الله نبقى على تواصل معاك ودمتم